سوال: السلام عليكم ، حضرت ! مجھے یہ پوچھنا ہیکہ جس کے اوپر حج فرض نہ ہو، اور پھر بھی وہ حج پیدل کرنا چاہتا ہو، تو اس بارے میں کیا حکم ہے؟ اور گھر میں بھی کچھ پیسے نہ پڑے ہوں اور بندہ شادی شدہ ہو۔

جواب: حج اس عاقل بالغ مسلمان پر فرض ہوتا ہے جس  کے پاس ضروریاتِ زندگی کے پورا کر لینے، نیز اہل وعیال کے واجبی خرچے پورے کرنے کے بعد اس قدر زائد رقم ہو جس سے حج کے ضروری اخراجات (وہاں کے قیام اور کھانے وغیرہ) اور آنے جانے کا خرچ پورا ہوسکتا ہو، لہذا اگر آپ کے پاس اتنی رقم ہیکہ جس سے آپ کے اہل وعیال کا خرچ پوراہوتا ہو اور حج کے اخراجات بھی مکمل ہوسکتے ہوں، تو حج فرض ہوگا ورنہ نہیں، تاہم اگر اس حالت میں یعنی کہ آپ کے پاس اتنی رقم نہ ہو اور آپ نے حج کرلیا، تو حج ادا ہو جائے گا۔