سوال:
السلام علیکم، نیچے دی گئی حدیث کا کوئی حوالہ ابھی میرے پاس نہیں ہے تو کیا اس کی تصدیق ہو سکتی ہے؟ " قیامت کی ایک نشانی ہے: رسول اکرم صلی اللہ علیہ وسلم نے فرمایا: جب میری امت میں سے استغفار کم ہو جائے گا تو بارش کا نزول زیادہ ہو جائے گا" براہ کرم اس کی تصدیق فرمادیں۔
جواب: سوال میں مذکور روایت تلاش کے باوجود نہیں مل سکی ہے، لہذا جب تک اس کی مکمل تحقیق نہ ہوجائے، اسے حدیث کے طور پر بیان کرنے سے اجتناب کرنا چاہیے، البتہ ایک روایت میں آتا ہے کہ جناب رسول اللہ ﷺ نےارشاد فرمایا: "سخت قحط اس کا نام نہیں ہے کہ تم پر بارش نہ ہو، بلکہ سخت قحط یہ ہے کہ تم پر بارش ہو مگر زمین کچھ نہ اُگائے"۔(صحیح مسلم: حدیث نمبر:2904)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الصحيح لمسلم: (4/2228)( 2904)و ط: دار احیاء التراث العربي)
عن أبي هريرة، أن رسول الله صلى الله عليه وسلم قال: "ليست السنة بأن لا تمطروا، ولكن السنة أن تمطروا وتمطروا، ولا تنبت الأرض شيئا".وأخرجه الإمام أ حمدفي ’’سننه’’ (4/325)( 8703)
واللہ تعالٰی اعلم بالصواب
دارالافتاء الاخلاص،کراچی