سوال: ایک غیر مسلم شخص کی گود میں کتا بیٹھا ہوا ہے، اگر کوئی مسلمان اس سے ہاتھ ملائے تو کیا اس کے ہاتھ ناپاک ہوجائیں گے؟

جواب: یاد رہے کہ کتے کا گوشت، پسینہ اور لعاب ناپاک ہے۔ سوال میں پوچھی گئی صورت میں اگر مذکورہ غیر مسلم شخص کے ہاتھ پر کتے کا پسینہ یا لعاب لگا ہوا ہو، تو اس کا ہاتھ ناپاک ہوگا، لہذا اگر اس کے ساتھ ہاتھ ملانے سے کتے کے پسینے یا لعاب کا اثر مصافحہ کرنے والے کے ہاتھ پر ظاہر ہوتا ہو تو مصافحہ کرنے سے اس کا ہاتھ بھی ناپاک ہو جائے گا، اور اگر اس غیر مسلم کا ناپاک ہاتھ خشک ہوگیا ہو اور مصافحہ کرنے والے کے ہاتھ پر اس نجاست کا اثر ظاہر نہیں ہوا ہو، تو اس صورت میں اس کے ساتھ ہاتھ ملانے سے ہاتھ ناپاک نہیں ہوگا۔
البتہ اگر کتا خشک ہو، اور اس پر کوئی پسینہ یا لعاب نہیں ہو، تو پھر اس غیر مسلم سے مصافحہ کرنے سے ہاتھ ناپاک نہیں ہوگا۔