سوال:
مفتی صاحب ! پوچھنا یہ تھا کہ نماز کے علاوہ تلاوت کرتے وقت آیت سجدہ آجائے تو ایسی صورت میں کیا کرنا چاہئے؟ تلاوت روک کر سجدہ کرے یا تلاوت مکمل کر کے پھر سجدہ کرے ؟ برائے مہربانی رہنمائی فرمائے۔ جزاک اللہ
جواب:
عام حالت میں تلاوت کرتے ہوئے اگر آیتِ سجدہ تلاوت کی، تو افضل اور بہتر یہی ہے کہ جیسے ہی آیتِ سجدہ تلاوت کرے، اسی وقت سجدہِ تلاوت کرلے، اور اگر یہ نہ ہو تو تلاوت ختم کرنے کے بعد کرلے، بلا کسی ضرورت کے قرآن مکمل کرکے اکٹھے چودہ سجدے کرنا مناسب نہیں ہے، تاہم اگر ایسا کرلیا، تو سجدے ادا ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (135/1، ط: دار الفکر)
وفي الغياثية وأداؤها ليس على الفور حتى لو أداها في أي وقت كان، يكون مؤديا لا قاضيا، كذا في التتارخانية
الدر المختار: (109/2، ط: دار الفکر)
(وهي على التراخي) على المختار ويكره تأخيرها تنزيها، ويكفيه أن يسجد عدد ما عليه بلا تعيين ويكون مؤديا
واللہ تعالٰی اعلم بالصواب
دارالافتاء الاخلاص،کراچی