سوال: آفس کے قریب مصلے کی ظہر کی جماعت نکل جانے کے بعد ایک شخص نے انفرادی نماز شروع کردی اور ایک رکعت مکمل کرلی، دوسری رکعت کے دوران کچھ لوگ جمع ہوئے اور دوسری جماعت شروع کر دی، اب اس انفرادی نماز پڑھنے والے کو کیا کرنا چاہیے؟ انفرادی نماز توڑ کر جماعت میں شامل ہو یا اپنی نماز اکیلے ہی مکمل کرے؟

جواب: اگر کوئی شخص اکیلے فرض نماز پڑھ رہا ہو اور اس دوران جماعت کھڑی ہو جائے تو اگر اس نے ابھی تک سجدہ نہیں کیا ہو تو ایک طرف سلام پھیرکر نماز توڑ دے اور جماعت میں شامل ہوجائے اور اگر اس نے پہلی رکعت کا سجدہ کرلیا تو دو رکعت مکمل کرکے جماعت کی نماز میں شریک ہوجائے۔