سوال: میرا سوال یہ ہے کہ اگر شوہر بیوی کو نماز پڑھنے کے لیے کہے، بیوی کسی کام کی ٹینشن کی وجہ سے غصہ میں آکر بول دے کہ "میں نماز نہیں پڑھوں گی" تو کیا اس وجہ سے کلمہ دوبارہ پڑھنا پڑے گا اور کیا نکاح پر کوئی اثر پڑے گا؟

جواب: سوال میں ذکر کرده صورت میں اگر عورت نماز کی فرضیت کا انکار نہیں کرتی، لیکن غصے کی حالت میں محض یہ جملہ "میں نماز نہیں پڑھوں گی" اس کی زبان سے نکل گیا ہے تو صرف یہ جملہ کہہ دینے سے وہ دائرہ اسلام سے خارج نہیں ہوگی، البتہ چونکہ نماز چھوڑنا کبیرہ گناہ ہے،  لہذا آئندہ مذکورہ عورت کو اس طرح کے جملے استعمال کرنے سے مکمل احتیاط کرنا چاہیے۔