سوال:
کیا یہ بات حدیث سے ثابت ہے کہ "فرض نماز کے بعد مانگی ہوئی دعا قبول ہوتی ہے"؟
جواب: فرض نماز کے بعد دعا کی قبولیت کا ذکراحادیث مبارکہ سے ثابت ہے، سنن ترمذی میں روایت ہے ، کہ حضرت ابوامامہ رضی الله عنہ فرماتے ہیں کہ آپ ﷺ سےپوچھا گیا: اے اللہ کے رسول! کون سی دعا زیادہ سنی جاتی ہے؟ آپ نے فرمایا: ”آدھی رات کے آخر کی دعا (یعنی تہائی رات میں مانگی ہوئی دعا) اور فرض نمازوں کے اخیر میں“۔(سنن ترمذی،حدیث نمبر: 3499)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذي: (رقم الحديث: 3499، 5/404، ط: دار الغرب الإسلامي)
عن أبي أمامة، قال: قيل يا رسول الله: أي الدعاء أسمع؟ قال: جوف الليل الآخر، ودبر الصلوات المكتوبات.
هذا حديث حسن.وقد روي عن أبي ذر، وابن عمر. عن النبي صلى الله عليه وسلم أنه قال: جوف الليل الآخر الدعاء فيه أفضل أو أرجى ونحو هذا.
واللہ تعالٰی اعلم بالصواب
دارالافتاء الاخلاص،کراچی