سوال: جائے نماز پر خون لگا ہوا ہو تو کیا اس پر نماز پڑھ سکتے ہیں؟

جواب: نماز کے صحیح ہونے کے لیے نماز پڑھنے کی جگہ کا پاک ہونا شرط ہے اور نماز کی جگہ سے مراد کھڑے ہونے کی صورت میں دونوں پاؤں رکھنے کی جگہ اور سجدے کی صورت میں دونوں قدموں، دونوں ہاتھوں، دونوں گھٹنوں اور پیشانی کی جگہ کا پاک ہونا شرط ہے، زمین یا جائے نماز وغیرہ جس چیز پر نماز پڑھی جائے، اس کے سارے حصہ کا پاک ہونا نماز کی صحت کے لیے شرط نہیں ہے، لہذا اگر خون مذکورہ بالا حصوں کے علاوہ کسی اور جگہ پر لگا ہوا ہو تو اس زمین یا جائے نماز وغیرہ پر نماز پڑھی جا سکتی ہے۔