سوال:
اس حدیث کی تصدیق فرمادیں کہ "اگر تم گناہ کرکے توبہ نہیں کروگے تو میں تمہارے بعد ایسے لوگ پیدا کروں گا، جو توبہ کرتے ہوں"۔
جواب: اس مضمون سے متعلق ’’صحیح‘‘روایت مسلم شریف اوردیگرکتب ِ حدیث میں ہے، ذیل میں اس کا ترجمہ ذکر کیا جاتا ہے۔
ترجمہ:
حضرت ابوہریرہ رضی اللہ عنہ سے روایت ہےکہ جناب رسول اللہﷺنےارشاد فرمایا: ”قسم ہے اس ذات کی جس کے قبضے میں میری جان ہے، اگر تم گناہ نہ کرو تو اللہ تعالیٰ تم کو فنا کر دےگا اور ایسے لوگوں کو پیدا کرےگا جو گناہ کریں گے، پھر اس سے بخشش مانگیں گےاور اللہ تعالیٰ ان کو بخشے گا۔“ (صحیح مسلم،حدیث نمبر: 2749)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحيح مسلم: (رقم الحديث: 2749، 2106/4، ط: دار إحياء التراث العربي)
عن أبي هريرة، قال: قال رسول الله صلى الله عليه وسلم: «والذي نفسي بيده لو لم تذنبوا لذهب الله بكم، ولجاء بقوم يذنبون، فيستغفرون الله فيغفر لهم»
أخرجه ابن خزيمة في ’’صحيحه‘‘(3 / 352) (1901) وابن حبان في’’صحيحه‘‘(3 / 158) (874) ، (8 / 214) (3428) ، (16 / 396) (7387) والحاكم في ’’مستدركه‘‘ (4 / 274) (7622) والترمذي في ’’سننه‘‘ (4 / 293) (2526) ، (5 / 548) (3598) والدارمي في ’’مسنده‘‘ (3 / 1861) (2863) وابن ماجه في ’’سننه‘‘ (2 / 636) (1752) ، (5 / 319) (4248) وأحمد في "مسنده" (13 / 445) (8082) والطيالسي في ’’مسنده‘‘ (4 / 308) (2706) ، (4 / 310) (2707) والحميدي في’’مسنده‘‘ (2 / 286) (1184) وعبد بن حميد في ’’المنتخب من مسنده‘‘ (415) (1420) والطبراني في ’’الأوسط‘‘ (3 / 74) (2532) ، (7 / 144) (7111)
واللہ تعالٰی اعلم بالصواب
دارالافتاء الاخلاص،کراچی