سوال: بیٹھ کر نماز پڑھنے میں سیدھی جانب پاؤں ہوتے ہیں، نماز لمبی ہوجانے یا پوری نماز بیٹھ کر پڑھنے سے پاؤں درد کرنے لگتے ہیں، کیا الٹی سائیڈ پاؤں کر کے نماز پڑھ سکتے ہیں؟

جواب: مرد كے ليے نماز ميں بيٹھنے كا مسنون طريقہ یہ ہے کہ دائیں پاؤں کو کھڑا کرے، اور بائیں پاؤں کو بچھا کر اس کے اوپر بیٹھ جائے، تاہم اگر کسی عذر کی وجہ سے پاؤں دائیں یا بائیں طرف نکال کر بیٹھے تو اس میں کوئی حرج نہیں ہے، نماز ہو جائے گی۔