سوال: ایک شخص نے نبی اکرم ﷺ سے کہا جو آپ چاہیں گے، وہی ہوگا تو جواب میں نبی کریم ﷺ نے فرمایا کہ تم نے مجھے اللہ کے ساتھ شریک ٹھہرادیا۔
اس حدیث کی تحقیق فرمادیں۔

جواب: جی ہاں ! یہ حدیث شریف مسند احمد میں موجود ہے۔
وعَنِ ابْنِ عَبَّاسٍ رضي الله عنهما : أَنَّ رَجُلًا قَالَ لِلنَّبِيِّ صَلَّى اللهُ عَلَيْهِ وَسَلَّمَ : مَا شَاءَ اللهُ وَشِئْتَ . فَقَالَ لَهُ النَّبِيُّ صَلَّى اللهُ عَلَيْهِ وَسَلَّمَ : أَجَعَلْتَنِي وَاللهَ عَدْلًا ؟! بَلْ : مَا شَاءَ اللهُ وَحْدَهُ۔
ترجمہ:
حضرت عبداللہ بن عباس رضی اللہ عنہ سے روایت ہے کہ ایک آدمی نے جناب نبی اکرم ﷺ سے کہا کہ جو اللہ تعالی چاہے گا اور آپ (ﷺ )چاہیں گے، وہی ہوگا۔
نبی اکرمﷺ نے اس آدمی سے کہا کہ تم نے مجھے اللہ تعالی کے برابر بنادیا، بلکہ وہی ہوگا، جو صرف اللہ تعالی چاہے گا۔
(مسندأحمد " 3/339 ط ،مؤسسة الرسالة، بیروت )