سوال:
ایک شخص نے نبی اکرم ﷺ سے کہا جو آپ چاہیں گے، وہی ہوگا تو جواب میں نبی کریم ﷺ نے فرمایا کہ تم نے مجھے اللہ کے ساتھ شریک ٹھہرادیا۔
اس حدیث کی تحقیق فرمادیں۔
جواب: سوال میں ذکرکردہ روایت سند کے اعتبارسے’’حسن‘‘ہے،لہذا اس روایت کو بیان کیا جاسکتا ہے۔ ذیل میں اس روایت کاترجمہ،تخریج اور اسنادی حیثیت ذکر کی جاتی ہے۔
ترجمہ:حضرت عبداللہ بن عباس رضی اللہ عنہ سے روایت ہے کہ ایک آدمی نے جناب نبی اکرم ﷺ سے کہا کہ جو اللہ تعالی چاہے گا اور آپ (ﷺ )چاہیں گے، وہی ہوگا۔نبی اکرمﷺ نے اس آدمی سے کہا کہ تم نے مجھے اللہ تعالی کے برابر بنادیا، بلکہ وہی ہوگا، جو صرف اللہ تعالی چاہے گا۔(مسندأحمد ،حدیث نمبر: 1839) (۱)
۱۔اس روایت کو امام أحمد(م241ھ)نے’’مسند أحمد‘‘(3 / 339،رقم الحديث: 1839،ط:مؤسسة الرسالة)میں ذکر کیا ہے۔
۲۔ حافظ ابن أبی شیبہ(م235ھ)نے’’مصنف ابن أبي شيبة‘‘(15/219،رقم الحديث: 30189،ط:دارالقبلة) میں ذکر کیا ہے۔
۳۔امام بخاری (م256ھ)نے’’الأدب المفرد‘‘(274،رقم الحديث:783،ط:دار البشائر الإسلامية) میں ذکر کیا ہے۔
۴۔ امام نسائی(م303ھ)نے ’’السنن الکبری‘‘(9/362،رقم الحديث:10759،ط:مؤسسة الرسالة) میں ذکر کیا ہے۔
۵۔ امام طبرانی (م360ھ)نے’’المعجم الکبیر‘‘(12/244،رقم الحديث: 13005،ط:مكتبة ابن تيمية) میں ذکر کیا ہے۔
۶۔امام بیہقی(م458ھ)نے’’السنن الکبری‘‘(3 / 217،رقم الحديث:5812،ط:دارالكتب العلمية) میں ذکر کیا ہے۔
مذکورہ روایت کی اسنادی حیثیت:
علامہ بوصیری(م840ھ)فرماتے ہیں :اس سند میں کلام کیا گیا ہے،راوی ’’أجلح بن عبداللہ ‘‘ مختلف فیہ ہے ،امام أحمد بن حنبل ،امام ابو حاتم ،امام نسائی ،امام ابوداودوغیرہ نے ان کو’’ضعیف‘‘قراردیا ہے اور امام ابن معین ،عجلی ،یعقوب بن سفیان نے ان کو ثقہ قراردیا ہے اور باقی رجال اس سند کے ثقہ ہیں۔
علامہ عراقی(م806ھ)فرماتے ہیں:اس روایت کو امام نسائی نے ’’سنن کبری‘‘میں حسن سند کے ساتھ نقل کیا ہے۔(۲)
۔۔۔۔۔۔۔۔۔۔۔۔۔۔۔۔
دلائل:
(۱)مسندأحمد:(3/339،رقم الحديث:1839،ط:مؤسسةا لرسالة)
حدثنا هشيم، أخبرنا أجلح، عن يزيد بن الأصم، عن ابن عباس، أن رجلا قال للنبي صلى الله عليه وسلم: ما شاء الله، وشئت، فقال له النبي صلى الله عليه وسلم: «أجعلتني والله عدلا بل ما شاء الله وحده»
أخرجه الإمام أحمد في ’’مسنده‘‘(3 / 339)(1839)( 3 / 431)( 1964)( 4 / 341)( 2561)(5/297)(3247)وابن أبي شيبة في ’’المصنف‘‘15/219)(3247) والبخاري في ’’ نے’’الأدب المفرد‘‘(274)(783) والنسائي في ’’سننه الكبرى‘‘(9/362)(10759) والطبراني في ’’معجمه الكبير‘‘(12/244)( 13005) ( 13006) والبيهقي في ’’سننه الكبير‘‘3 / 217)(5812) ووابن ماجه في ’’سننه‘‘ (3 / 252) (2117) والطحاوي في ’’شرح مشكل الآثار‘‘(1 / 218) (235)
(۲)قال البوصيري في ’’مصباح الزجاجة‘‘(2/ 136)، و’’إتحاف الخيرة المهرة‘‘(5/361)(4845) :هذا إسناد فيه مقال، الأجلح بن عبد الله مختلف فيه، ضعفه أحمد بن حنبل وأبو حاتم والنسائي وأبو داود وغيرهم، ووثقه ابن معين والعجلي ويعقوب بن سفيان، وباقي رجال الإسناد ثقات. أورده العراقي ’’تخريج الإحياء‘‘(1056)وقال: أخرجه النسائي في الكبرى بإسناد حسن وابن ماجه.
واللہ تعالٰی اعلم بالصواب
دارالافتاء الاخلاص،کراچی