سوال:
مفتی صاحب! میں سحری سے پہلے پاک ہو گئی تھی لیکن شک تھا، اسی وجہ سے میں نے سحری کر لی اور زوال سے پہلے پہلے شک دور ہو گیا تھا اور میں نے نیت کر لی تھی تو کیا میرا روزہ ہو گیا؟
جواب: اگر آپ سحری سے پہلے پاک ہوگئی تھیں،صرف شک کی وجہ سے نیت نہیں کی تو زوال سے پہلے شک دور ہونے کے بعد روزہ کی نیت کرلینے سے غسل کیے بغیر بھی روزہ ہو جائے گا بشرطیکہ صبح صادق کے بعد روزہ کے منافی کوئی کام نہ کیا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوى الهندية: (کتاب الصوم، 195/1، ط:دا رالفکر)
جاز صوم رمضان، والنذر المعين، والنفل بنية ذلك اليوم أو بنية مطلق الصوم أو بنية النفل من الليل إلى ما قبل نصف النهار، وهو المذكور في الجامع الصغير وذكر القدوري ما بينه وبين الزوال».
واللہ تعالٰی اعلم بالصواب
دارالافتاء الاخلاص،کراچی