سوال:
ایک غیر شادی شدہ عورت کا انتقال ہوگیا ہے، اس کے ورثاء میں ایک بہن، بھتیجے اور بھانجے حیات ہیں، ان میں سے مرحومہ کی میراث کی شرعی وارث کون ہیں؟
جواب: پوچھی گئی صورت میں مرحومہ غیر شادی شدہ خاتون کی میراث ان کی بہن اور بھتیجوں کے درمیان تقسیم ہوگی، جس میں سے مرحومہ کی بہن کو کل جائیداد کا پچاس فیصد (%50) حصہ اور باقی پچاس فیصد (%50) حصہ بھتیجوں کے درمیان میراث کے شرعی قانون کے مطابق تقسیم کیا جائے گا، جبکہ بھتیجوں کی موجودگی میں بھانجوں کو اپنی مرحومہ خالہ کی میراث میں سے کچھ نہیں ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الایة: 176)
إِنِ امْرُؤٌ هَلَكَ لَيْسَ لَهُ وَلَدٌ وَلَهُ أُخْتٌ فَلَهَا نِصْفُ مَا تَرَكَ وَهُوَ يَرِثُهَا إِنْ لَمْ يَكُنْ لَهَا وَلَدٌ فَإِنْ كَانَتَا اثْنَتَيْنِ فَلَهُمَا الثُّلُثَانِ مِمَّا تَرَكَ ... الخ
الدر المختار: (774/6، ط: سعید)
ثم العصبات بأنفسهم أربعة أصناف: جزء الميت ثم أصله ثم جزء أبيه ثم جزء جده (ويقدم الأقرب فالأقرب منهم) بهذا الترتيب.
السراجی: (باب ذوي الأرحام، ص: 85، ط: مکتبة البشری)
ذو الرحم: هو کل قریب، لیس بذي سهم، ولا عصبة، وکانت عامة الصحابة رضی اللہ عنهم یرون توریث ذوي الأرحام، وبه قال أصحابنا رحمهم اللہ ... والصنف الثالث: ینتمي إلی أبوي المیت، وهم أولاد الأخوات
واللّٰه تعالٰی اعلم بالصواب
دارالافتاء الاخلاص،کراچی