سوال: مجھے میری آنٹی نے تین لاکھ روپے دیے تھے، ان کی کمائی کا ذریعہ قومی بچت کا سود ہے، ان کی کمائی کا کوئی اور ذریعہ نہیں ہے، کیا میں اس رقم سے تجارت کرسکتا ہوں؟ اگر اس سے تجارت کرلوں اور نفع سے تین لاکھ روپے صدقہ کردوں تو کیا وہ تجارت میرے لیے حلال ہوجائے گی؟ نیز اس تین لاکھ روہے کا مجھے کیا کرنا ہوگا کہ میں اس سے نفع کما سکوں؟

جواب: واضح رہے کہ قومی بچت اسکیم کا موجودہ طریقہ کار غیر شرعی ہے اور اس سے حاصل ہونے والا ‏نفع (‏Interest‏) در حقیقت سود ہے، جس کا لین دین ناجائز اور حرام ہے۔
لہٰذا مذکورہ صورت میں آپ کا اپنی آنٹی سے سودی رقم لینا اور اس کو (ان کے لئے یا اپنے لئے) کاروبار میں ‏لگانا کسی بھی طرح جائز نہیں ہے نیز اس سودی رقم سے كسی اور طریقے سے بھی فائدہ اٹھانا جائز نہیں ہے، تاہم آپ ‏کی آنٹی نے جو رقم جمع کرائی تھی اس اصل رقم (‏Capital amount‏) کا استعمال جائز اور حلال ہے۔