سوال:
میرا آپ سے سوال یہ ہے کہ میں ایک استاد ہوں، ایک سکول میں اسلامیات اور قرآن شریف پڑھاتا ہوں، میں اکثر وائٹ بورڈ پر قرآن شریف کی آیات لکھ کر بچوں کو سمجھا کر پھر ان کو مٹا دیتا ہوں۔ پوچھنا یہ تھا کہ ایسا کرنے سے گناہ تو نہیں ہوگا؟
جواب: پوچھی گئی صورت میں سبق پڑھا لینے کے بعد وائٹ بورڈ سے قرآنی آیت مٹانے میں شرعا کوئی حرج نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (322/5، ط: مکتبة رشیدیة)
ولو محا لوحاً كتب فيه القرآن واستعمله في أمر الدنيا يجوز.
الدر المختار: (422/6، ط: سعید)
الكتب التي لا ينتفع بها يمحى عنها اسم الله وملائكته ورسله ويحرق الباقي.
واللّٰه تعالٰی اعلم بالصواب
دارالافتاء الاخلاص،کراچی