سوال: میرے شوہر اپنی خالہ کی بیٹی سے بہت زیادہ پیار کرتے ہیں، ان سے شادی کرنا چاہتے ہیں، میں ایک دن اس بات پر اپنے شوہر کے سامنے بہت روئی تو انہوں نے تین مرتبہ کہا کہ میں سیمہ کو طلاق دیتا ہوں، حالانکہ نکاح نہیں ہوا تھا، اب اگر وہ ان سے نکاح کریں گے تو کیا یہ نکاح ہوجائے گا؟

جواب: واضح رہے کہ شرعاً طلاق واقع ہونے کے لیے ضروری ہے کہ جس عورت کو طلاق دی جارہی ہو، وہ طلاق دینے والے کے نکاح میں موجود ہو، اگر وہ عورت اس کے نکاح میں موجود نہ ہو تو ایسی عورت کو دی گئی طلاق واقع نہیں ہوتی۔
پوچھی گئی صورت میں مذکورہ عورت (سیما) طلاق دیتے وقت چونکہ آپ کے شوہر کے نکاح میں نہیں تھی، اس لیے اس کو دی گئیں طلاقیں واقع نہیں ہوئی ہیں، لہذا اگر آپ کے شوہر اب اس کے ساتھ شرعی اصولوں کے مطابق نکاح کرتے ہیں تو ان کا نکاح منعقد (درست) ہوجائے گا۔