سوال:
اللہ کے راستے میں عید یا بقرہ عید گزارنے کی کیا فضیلت ہے؟
جواب: اللہ کے راستے میں، اپنے گھر والوں سے دور رہ کر عید گزارنا
بلا شبہ اپنی خواہشات کی بڑی قربانی اور مجاہدے کی بات ہے، پھر جو فضائل اللہ کے راستے میں نکلنے کے ہیں، اس مجاہدے کی وجہ سے ان میں کئی گنا اضافہ ہونے کی امید ہے۔
البتہ اس سلسلے میں خصوصیت کے ساتھ " اللہ کے راستے میں عید " گزارنے کی فضیلت ہمارے علم میں نہیں ہے۔
واللہ تعالٰی اعلم بالصواب
دارالافتاء الاخلاص،کراچی