سوال: ہم لوگ موبائل مارکیٹ میں کام کرتے ہیں اور اکثر رش کے ٹائم کوئی پڑوسی کوئی چھوٹی رقم 100 / 500 یا 1000 مانگتا ہے، جس کو ہم ہاتھ دستی کہتے ہیں، جس کا مطلب وہ ادھار جو فوراً واپسی ہو، لیکن بعض اوقات ہم رش کی وجہ سے لکھ نہیں پاتے اور سامنے والا بھی بھول جاتا ہے اور بعد میں بحث بھی ہوتی ہے اور نقصان بھی، معلوم یہ کرنا تھا کہ ہم ایسی صورت میں جھوٹ بول سکتے ہیں کہ میرے پاس پیسے نہیں ہیں؟ اگر صاف منع کردیں کہ نہیں دیتا ہوں، تو پڑوسی ناراض ہوجائے گا۔ حضرت رہنمائی فرمائیں

جواب: کوشش کی جائے کہ دکاندار ایک دوسرے کے ساتھ باہمی تعاون سے چلیں، البتہ اس سلسلے میں آپس میں بیٹھ کر ایسا طریقہ کار وضع کرلیں، جس میں فریقین کو سہولت ہو اور بحث کی نوبت نہ آئے۔
لیکن اگر کوئی حل نہیں نکلتا تو جھوٹ بولنے کی کسی صورت گنجائش نہیں ہے، بلکہ بجائے جھوٹ بولنے کے صاف معذرت کرنی چاہیے یا یوں کہنا چاہیے کہ " میرے پاس پیسے ہیں، لیکن میرے کام کے لیے ہیں"۔