سوال:
کیا فرماتے ہیں علماءِ کرام ومفتیانِ عظام اس مسئلہ کے بارے میں کہ ایک شخص کو کافی تکلیف تھی، ڈاکٹر صاحب نے آرام کیلئے نشہ کا انجکشن لگایا اس شخص کو نشہ آگیا اسی حالت میں اس نے بیوی کو تین طلاقیں دے دیں تو کیا ایسی حالت میں اس کی بیوی پر طلاق واقع ہوگی یا نہیں ؟
جواب: بحالت ضرورت نشہ آور ادویہ استعمال کرنے کی وجہ سے اگر نشے کی حالت میں اپنی بیوی کو طلاق دیدے تو طلاق واقع نہیں ہوتی، اس لئے صورت مسئولہ میں شخص مذکور کی بیوی پر طلاق واقع نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (353/1، ط: دار الفکر)
وطلاق السكران واقع إذا سكر من الخمر أو النبيذ. وهو مذهب أصحابنا رحمهم الله تعالى كذا في المحيط۔۔۔۔أجمعوا أنه لو سكر من البنج أو لبن الرماك ونحوه لا يقع طلاقه وعتاقه كذا في التهذيب. ومن سكر من البنج يقع طلاقه ويحد لفشو هذا الفعل بين الناس وعليه الفتوى في زماننا كذا في جواهر الأخلاطي.
واللہ تعالٰی اعلم بالصواب
دارالافتاء الاخلاص،کراچی