سوال: سفر کی نماز کے لیے 87 کلومیٹرز بائی روڈ شرط ہے یا سیدھا راستہ شرط ہے جیسے گوگل میپ میں ہوتا ہے؟ گوگل میپ میں ہماری جگہ سے پشاور تک کا فاصلہ 54 کلومیٹر ہے اور بائی روڈ 87 کلومیٹرز سے زیادہ ہے۔ اس بارے میں رہنمائی فرمائیں۔

جواب: ‏واضح رہے کہ شرعا سفر کے احکامات شرعی مسافت پر لاگو ہوتے ہیں، چاہے راستہ کسی بھی قسم کا ہو، اور شرعی اعتبار سے مسافت سفر 48 میل (77.24 کلو میٹر) ہے، لہذا قصر و اتمام کے سلسلے میں اسی مسافت کا اعتبار ہوگا۔
پوچھی گئی صورت میں اگر آپ اپنے مطلوبہ مقام پر اس راستہ سے جائیں جس کی مسافت سوا ستر کلومیٹر یا اس سے زیادہ ہے تو آپ اس راستے میں قصر کریں گے اور مطلوبہ مقام پر پہنچنے کے بعد اگر وہاں پندرہ دن سے کم ٹھہرنے کی نیت ہے تو وہاں بھی قصر کریں گے اور اگر آپ اس راستے سے جائیں جس کی مسافت سوا ستتر کلومیٹر سے کم ہے تو پوری نماز پڑھنی ضروری ہے۔