سوال:
مفتی صاحب! اگر بچے کا باپ مالی استطاعت نہ رکھتا ہو، لیکن اس کی والدہ استطاعت رکھتی ہے تو کیا والدہ کے پیسوں سے عقیقہ ہوسکتا ہے؟
جواب: عقیقہ درحقیقت نفقہ کے حکم میں ہے، جس شخص پر شرعاً بچے کا نفقہ واجب ہو، عقیقہ کرنا بھی اسی کا حق ہوتا ہے، البتہ صاحب حق کی اجازت سے اگر کوئی اور بچے کا عقیقہ کرلے تو عقیقے کی سنت ادا ہو جائے گی، لہذا پوچھی گئی صورت میں اگر بچے کی والدہ شوہر کی اجازت سے بچے کا عقیقہ کرتی ہے تو اس میں شرعاً کوئی حرج نہیں ہے، عقیقہ درست ہو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الموسوعة الفقهیة الکویتیة: (277/30)
ذهب الشافعية إلى أن العقيقة تطلب من الأصل الذي تلزمه نفقة المولود بتقدير فقره، فيؤديها من مال نفسه لا من مال المولود، ولا يفعلها من لا تلزمه النفقة إلا بإذن من تلزمه.
ولا يقدح في الحكم أن النبي صلى الله عليه وسلم قد عق عن الحسن، والحسين، مع أن الذي تلزمه نفقتهما هو والدهما؛ لأنه يحتمل أن نفقتهما كانت على الرسول صلى الله عليه وسلم لا على والديهما، ويحتمل أنه عليه الصلاة والسلام عق عنهما بإذن أبيهما.
ما لابد منه: (ص: 182، ط: مکتبه رحمانیه)
بر ہرکسے کہ نفقۂ مولود واجب باشد اورا عقیقۂ آؤ ہم از مال خود باید کرد۔۔
کذا فی فتاوی رحیمیه: (62/10، ط: دار الاشاعت)
واللّٰه تعالٰی اعلم بالصواب
دارالافتاء الاخلاص،کراچی