سوال:
حضرت الکوحل والا پرفیوم لگانے کا کیا حکم ہے؟
جواب: آج کل سینٹ (پرفیوم )اور عطر وغیرہ میں جو’’ الکحل‘‘ ملایا جاتا ہے، اگر وہ انگور یا کھجور کی شراب سے بنا ہوا ہو تو وہ ناپاک ہے، اور اس کا استعمال نا جائز ہے اور اگر وہ اِن دونوں شرابوں کے علاوہ کسی اور پاک چیز سے، مثلاً: مکئی، جوار، بیر، آلو، چاول یا پیٹرول وغیرہ سے بنا ہوا ہو، تو اس کے کپڑوں پر لگانے سے کپڑے ناپاک نہیں ہونگے، اور اس کا استعمال جائز ہے۔
’’احسن الفتاویٰ ‘‘ میں حضرت مفتی رشید احمد صاحب رحمہ اللہ فرماتے ہیںکہ’’ تحقیق سے یہ معلوم ہوا کہ آ ج کل’’ اسپرٹ‘‘ اور’’ الکحل‘‘ کیلئے انگور اور کھجور استعمال نہیں کی جاتی۔
(احسن الفتاویٰ:۸/۴۸۸،کتاب الأشربۃ)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
تکملۃ فتح الملہم: (حکم الکحول المسکرۃ، 408/3)
حکم الکحول المسکرۃ(Alcohols) فإنہا إن اتخذت من العنب أو التمر فلا سبیل إلی حلتہا أو طہارتہا ، وإن اتخذت من غیرہا فالأمر فیہا سہل علی مذہب أبي حنیفۃ ۔۔۔۔ وإن معظم الکحول التي تستعمل الیوم في الأدویۃ والعطور وغیرہا لا تتخذ من العنب أو التمر ، إنما تتخذ من الحبوب أو القشور أو البیترول وغیرہ ، وحینئذ ہناک فسحۃ في الأخذ بقول أبي حنیفۃ عند عموم البلوٰی ؛ واللہ سبحانہ أعلم ۔
واللہ تعالٰی اعلم بالصواب
دارالافتاء الاخلاص،کراچی