سوال: سوال یہ ہے کہ میری خالہ نے مجھے بتایا ہے کہ میری والدہ خالہ کو اپنا دودھ پھیکنے کے لیے دیا کرتی تھی، ایک مرتبہ چھ سال کی عمر میں خالہ نے وہ دودھ پی لیا تھا، سوال یہ ہے کیا میری بہن کا نکاح خالہ زاد بھائی سے درست ہے، یا رضاعت ثابت ہوچکی ہے؟

جواب: واضح رہے کہ رضاعت ثابت ہونے کے لیے دو سال کی مدت میں بچے یا بچی کا دودھ پینا ضروری ہے، دو سال کے بعد دودھ پینے سے رضاعت ثابت نہیں ہوتی ہے، لہذا چھ سال کی عمر میں خالہ کے دودھ پینے سے رضاعت ثابت نہیں ہوئی ہے، لہذا آپ کی بہن کا نکاح آپ کے خالہ زاد بھائی سے ہوسکتا ہے۔