سوال: مفتی صاحب! معلوم یہ کرنا تھا کہ ایک شخص نے اپنی اہلیہ سے سونے کے زیور بطور قرض لیے اور ابھی اس قرض کی ادائیگی نہیں کی کہ اس شخص کی خواہش ہے کہ وہ اپنی اولاد کو عمرہ کروائے تو کیا ایسے شخص کا اپنی اولاد کو عمرہ کروانا صحیح ہے؟ شریعت کی روشنی میں رہنمائی فرما دیجئے۔

جواب: اگر عمرہ کے اخراجات منہا کرنے کے بعد قرض کی رقم بسہولت ادا کرنا ممکن ہو یا قرض دار کی طرف سے فوری مطالبہ نہ ہو تو اپنی رقم کو عمرہ پر خرچ کرنے میں شرعاً کوئی حرج نہیں ہے، لیکن اگر بیٹوں کو عمرہ پر بھیجنے کی وجہ سے قرض کی ادائیگی مشکل ہوجائے یا قرض دار کی طرف سے مطالبہ ہو تو ایسی صورت میں پہلے واجب الاداء قرض ادا کرنا چاہیے، تاہم اس کے باوجود اگر بیٹوں کو عمرہ پر بھیج دیا تو ان کا عمرہ ادا ہوجائے گا، لیکن پہلے قرض ادا کرنا زیادہ بہتر ہے۔