سوال: السلام علیکم، مفتی صاحب! (1) میرا سوال یہ ہے کہ میری امی کا انتقال ہو گیا ہے، ان کے کچھ زیورات میرے پاس ہیں اور میں اسے بیچنا نہیں چاہتی ہوں، بلکہ میں یہ چاہتی ہوں کہ چاہتی ہوں کہ سارا زیور تمام بہن بھائیوں میں شرعی طریقے سے تقسیم ہو جائے، مگر سب زیورات کی مالیت الگ الگ ہے، اس کو کس طرح سے تقسیم کریں؟
(2) دوسرا سوال یہ ہے کہ کیا سارے زیور کی مالیت معلوم کر کے میں خود وہ پیسے خیرات کر دوں اور پھر بہن بھائیوں میں سے جو جو چیز بھی رکھنا چاہے، وہ اس کو دے دوں؟ براہ کرم جواب تفصیل سے عنایت فرمائیں۔

جواب: (1) واضح رہے کہ اگر آپ کی مراد یہ ہے کہ والدہ کے زیورات بعینہ تمام ورثاء کے پاس باقی رہیں تو آپ ان تمام زیورات کی قیمت لگوالیں، پھر جس وارث کے حصہ میں جتنی رقم آرہی ہو، اس کو اتنا زیور یا رقم دے دیں۔
(2) آپ اپنی طرف سے زیورات کی رقم کے بقدر والدہ کے لیے خیرات کرسکتی ہیں، البتہ زیورات کو ورثاء کی اجازت کے بغیر فروخت نہیں کرسکتی ہیں، کیونکہ اس میں تمام ورثاء کا حق ہے۔