سوال: مفتی صاحب ! طواف قدوم کیا ہوتا ہے؟ کیا اس کی سعی الگ سے ہوتی ہے اور طواف زیارت کی سعی بھی کرنی ہوگی؟ میری معلومات کے مطابق طواف زیارت کا آخری رکن اس کی سعی ہوتی ہے۔

جواب: ١- مکہ مکرمہ سے باہر رہنے والے جب حج افراد کی نیت سے احرام باندھ کر مکہ مکرمہ آتے ہیں، تو سب سے پہلے جو طواف کرتے ہیں وہ طواف قدوم کہلاتا ہے۔ یہ طواف سنت ہے، واجب نہیں۔
٢- حج کے واجبات میں سے ایک واجب صفا و مروہ کے درمیان سعی کرنا بھی ہے، لہذا اگر حج افراد کرنے والے نے طواف قدوم کے بعد سعی نہ کی ہو، تو وہ طواف زیارت کے بعد سعی کرے گا اور اگر طواف قدوم کے بعد سعی کرلی گئی ہو، تو چونکہ واجب ادا ہو چکا ہے، لہذا طواف زیارت کے بعد دوبارہ سعی نہیں کی جائے گی۔
(مستفاد از رفیق الحج، مصنفہ: مفتی محمد رفیع عثمانی صاحب مد ظلہم العالی)