سوال: کیا مسلم شریف میں یہ حدیث موجود ہے کہ"اگر جھک جانے سے تمہاری عزت کم ہو جائے تو مجھ سے لے لینا"؟ (مسلم، حدیث نمبر: 784)

جواب: مذکورہ الفاظ کے ساتھ یہ حدیث "  صحیح مسلم " میں نہیں ملی، البتہ صحیح مسلم میں ایک اور حدیث  اس مفہوم کی موجود ہے۔
« عن ابی هریرة عن رسول الله صلی الله علیه وسلم قال: مانقصت صدقة من مال ومازاد الله عبدا بعفو الاعزا وماتواضع احد لله الارفعه الله».
( الصحیح لمسلم، کتاب البر والصلة، باب استحباب العفووالتواضع، رقم الحدیث: ۲۵۸۸، ط: دارالفکر بیروت، لبنان)
ترجمہ:
حضرت ابو ھریرۃ رضی اللہ عنہ سے روایت ہے کہ نبی اکرمﷺ نے فرمایا کہ صدقہ سے مال میں کمی نہیں ہوتی، اور معافی و درگزر سے اللہ بندہ کی عزت ہی بڑھاتے ہیں، اور جو کوئی بھی اللہ کے لیے  جھکتا ہے، اللہ پاک اس کو بلند کردیتے ہیں۔