سوال: ایک آدمی کے کسی نے دو لاکھ دینے ہیں، لیکن وہ آدمی کافی عرصہ سے واپس نہیں کر رہا ہے، ہر مرتبہ تاریخ پر تاریخ دے دیتا ہے، اس کے علاوہ اس کے پاس اور کوئی مال نہیں ہے۔ معلوم یہ کرنا ہے کہ کیا اس آدمی پر قربانی کرنا واجب ہوگی یا نہیں؟

جواب: پوچھی گئی صورت میں مذکورہ شخص کا مال اگر کسی کے ذمہ قرض ہو، اس کے علاوہ اس کے پاس کوئی اور مال موجود نہ ہو اور اس کو گمان غالب ہو کہ قرض خواہ مطالبہ کرنے پر مجھے میری رقم واپس کردے گا تو اس پر لازم ہے کہ قرض خواہ سے کم از کم اتنی رقم کا مطالبہ کرے جس سے قربانی کا فریضہ ادا ہوسکے، اور اگر قرض خواہ قرض نہ دے اور نہ ہی اس کے پاس اس کے علاوہ کوئی اور مال یا ضرورت سے زائد سامان موجود ہو جو نصاب تک پہنچتا ہو تو اس پر قربانی واجب نہیں ہے۔