سوال:
السلام علیکم، مفتی صاحب ! ذی الحج میں کس دن کے روزے رکھیں اور روزوں کی فضیلت کتنی ہے؟ جزاک اللہ
جواب: عید الاضحی کے دن سے پہلے نو دن روزے رکھنا باعثِ ثواب ہے، حدیثِ مبارک میں ان میں سے ہر دن کے روزے کو اجر میں ایک سال کے روزوں کے برابر قرار دیا گیا ہے، نیز خاص عرفہ (نو ذوالحجہ) کے روزے سے متعلق
حضرت ابوقتادہ رضی اللہ عنہ سے مروی ہے کہ رسول اللہ صلى الله عليه وسلم نے فرمایا: میں اللہ سے امید رکھتا ہوں کہ عرفہ (۹ذوالحجہ) کے دن کا روزہ رکھنا ایک سال گزشتہ اور ایک سال آئندہ کے گناہوں کا کفارہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذي: (رقم الحدیث: 749، 116/2، ط: دار الغرب الاسلامي)
'عن أبي قتادة : أن النبي صلى الله عليه و سلم قال: صيام يوم عرفة إني أحتسب على الله أن يكفر السنة التي قبله والسنة التي بعده '۔
واللہ تعالٰی اعلم بالصواب
دارالافتاء الاخلاص،کراچی