سوال:
السلام عليكم ، مفتی صاحب ! کس عمر سے نماز فرض ہوجاتی ہے؟
جواب: واضح رہے کہ بالغ ہوتے ہی نماز فرض ہو جاتی ہے، البتہ بلوغ کی کوئی خاص عمر شرعا مقرر نہیں ہے، اگر بلوغت کی علامات ( مثلاً: احتلام، حیض یا حمل وغیرہ) میں سے کوئی علامت ظاہر ہوجائے تو اسی وقت سے بالغ سمجھا جائے گا، اور بالغ ہوتے ہی نماز فرض ہو جائے گی، لیکن اگر کوئی علامت ظاہر نہ ہو تو قمری حساب سے پندرہ سال کی عمر میں لڑکا اور لڑکی دونوں کو بالغ شمار کیا جائے گا، لہذا اگر پندرہ سال سے پہلے بچے یا بچی میں بلوغت کی کوئی علامت پائی جاتی ہو تو وہ بالغ شمار ہوگا اور اس پر نماز فرض ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (153/6، ط: دار الفکر)
(بلوغ الغلام بالاحتلام والإحبال والإنزال) والأصل هو الإنزال (والجارية بالاحتلام والحيض والحبل) ولم يذكر الإنزال صريحا لأنه قلما يعلم منها (فإن لم يوجد فيهما) شيء (فحتى يتم لكل منهما خمس عشرة سنة به يفتى) لقصر أعمار أهل زماننا
واللہ تعالٰی اعلم بالصواب
دارالافتاء الاخلاص،کراچی