سوال:
السلام علیکم، حضرت سوال یہ ہے کہ کیا دلہن کا لال جوڑا پہننا ہندوانہ رسم ہے؟ اور اگر عیسائیوں والی سفید فراک دلہن پہنے، تو کیا یہ صحیح ہے؟
جواب: واضح رہے کہ دلہن کے لیے لال رنگ کے کپڑے یا کسی دوسرے رنگ کے کپڑے پہننا درست ہے اور اس میں کسی غیر مذہب قوم کی مشابہت اس لیے نہیں ہے کہ وہ ان لباس کو مذہبی طور پر نہیں پہنتے ہیں،اور نہ ہی کسی قوم کا یہ مذہبی شعار ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (358/6، ط: دار الفکر)
(وكره لبس المعصفر والمزعفر الأحمر والأصفر للرجال) مفاده أنه لا يكره للنساء (ولا بأس بسائر الألوان)
واللہ تعالٰی اعلم بالصواب
دارالافتاء الاخلاص،کراچی