سوال: مفتی صاحب! عقیدہ کس کو کہتے ہیں؟ براہ کرم عقیدہ کی تعریف بیان فرما دیں۔

جواب: لغت میں عقیدہ کے معنی ہیں "دل میں جمایا ہوا یقین" اور اس سے مراد ایسا نظریہ ہوتا ہے جس کے ماننے والوں کے لئے اس میں شک و شبہ کی گنجائش نہ ہو۔
شریعت کی اصطلاح میں عقیدہ اس پختہ بات کو کہتے ہیں جو دلیل قطعی سے ثابت ہو اور اس میں کسی قسم کے شک و شبہ کی گنجائش نہ ہو، جیسے عقیدہ توحید و رسالت، فرشتوں، رسولوں، آسمانی کتابوں، آخرت کے دن اور اچھی بری تقدیر کے اللہ کی طرف سے ہونے پر یقین رکھنا۔