سوال: حضرت !اگر کسی کا عقیقہ پیدائش کے اکیس دن تک نہیں ہوسکا اور اب عمر پینتالیس سال سے اوپر ہے، اب اگر عقیقہ کرنا چاہیں تو اسکا کیا حکم ہے؟ اور اگر اب کرنا چاہیں تو کیا عقیقہ ہو جائے گا؟

جواب: عقیقہ کرنا مستحب عمل ہے، اگر بچپن میں عقیقہ نہ ہوا ہو تو بڑی عمر میں بھی عقیقہ کر سکتے ہیں، البتہ مستحب وقت کی فضیلت حاصل نہیں ہوگی، نیز جب بھی عقیقہ کریں تو بہتر یہ ہے کہ پیدائش کے دن کے حساب سے ساتویں دن کا خیال رکھیں، مثلاً: اگر منگل کے دن سورج غروب ہونے سے پہلے پیدائش ہوئی ہو تو پیر والے دن عقیقہ کریں اور اگر منگل والے دن غروب آفتاب کے بعد پیدائش ہوئی ہو تو منگل والے دن عقیقہ کریں۔