سوال:
مفتی صاحب! سوال یہ پوچھنا تھا کہ میرے پاس ایک موبائل فون ہے، جس کی قیمت کا اگر حساب لگایا جائے تو وہ ساڑھے باون تولے چاندی تک پہنچ جائے گی، کیا اس موبائل فون پر زکوۃ ہے؟
جواب: صورت مسئولہ میں اگر موبائل فون تجارت کی نیت سے لیا ہے، تو اس کی قیمت پر زکوۃ واجب ہوگی، اور اگر تجارت کی نیت سے نہیں لیا، تو زکوٰۃ واجب نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
بدائع الصنائع: (فصل و اما اموال التجارة، 21/2)
واما اموال التجارة فتقدیر النصاب فیھا بقیمتھا من الدنانیر و الدراھم فلا شیئ فیھا ما لم تبلغ قیمتھا مائتی درھم فتجب فیھا الزکاة سواء کان مال التجارة عروضا او عقارا۔۔۔۔الخ
واللہ تعالٰی اعلم بالصواب
دارالافتاء الاخلاص،کراچی