سوال:
مفتی صاحب! والدین کا انتقال ہوگیا ہے، ورثاء میں صرف دو بیٹے اور چھ بیٹیاں ہیں، اس کے علاوہ کوئی اور وارث نہیں ہے اور متروکہ رقم سترہ کروڑ (170000000) ہے، براہ کرم دو بیٹوں اور چھ بیٹیوں کے درمیان سترہ کروڑ (170000000) میراث کی تقسیم فرمادیں۔
جواب: مرحوم والدین کی تجہیز و تکفین کے جائز اور متوسط اخراجات، قرض کی ادائیگی اور اگر کسی غیر وارث کےلیے جائز وصیت کی ہو تو ایک تہائی(1/3) میں وصیت نافذ کرنے کے بعد کل رقم کو دس (10) حصوں میں تقسیم کیا جائے گا، جس میں سے دونوں بیٹوں میں سے ہر ایک بیٹے کو تین کروڑ چالیس لاکھ (34000000) روپے ملیں گے اور چھ بیٹیوں میں سے ہر ایک بیٹی کو ایک کروڑ ستر لاکھ (17000000) روپے ملیں گے۔
فیصد کے اعتبار سے ہر بیٹے کو %20 فیصد اور ہر بیٹی کو %10 فیصد ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الایة: 11)
يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ
واللہ تعالٰی اعلم بالصواب
دارالافتاء الاخلاص،کراچی