سوال: لڑکی کے گھر والوں کی طرف سے شادی اور منگنی میں لڑکے کے گھر والوں کو کچھ گفٹ میں سونے کی کوئی چیز دی گئی ہو، اور لڑکے کی طرف سے منگنی اور شادی میں کچھ سونے کی کوئی چیز دی گئی ہو، تو کیا طلاق ہونے کا بعد کیا لڑکی کے گھر والے یا لڑکے کے گھر والے واپسی کا تقاضہ کر سکتے ہیں؟
۱۱ سال نکاح رہا ۔۔
واضح بات :- شادی کے وقت ایسا کوئی بھی معاہدہ طے نہیں ہوا تھا کہ خدا نخواستہ اگر شادی ختم ہونے کی صورت میں یہ سارے گفٹ جو لڑکی والوں کو طرف سے یا لڑکے والوں کی طرف سے دیے گئے ہے، یہ ایک دوسرے کو واپس کرنا ہونگے، ایسی کوئی بھی بات طے نہیں کی گئی تھی۔
بلکہ جو بھی گفٹ لڑکی والوں نے دیے اور جو بھی گفٹ لڑکے والو نے دیے، وہ اپنی مرضی سے خوشی سے دیے تھے، اس گفٹ کی لین دین میں دونوں فریقین میں کسی نے کوئی تقاضہ نہیں کیا تھا، جو دیا اپنی مرضی اور خوشی سے گفٹ دیا گیا اور اپنی اپنی حیثیت کے مطابق دیا گیا، رشتے داروں کے سامنے ۔
اس ساری تفصیل کے بعد مفتیان کرام قرآن حدیث کی روشنی میں کیا فتویٰ دیتے ہیں؟

جواب: واضح رہے کہ اگر لڑکی والوں نے مذکورہ چیزیں لڑکے کو ملکیت کے طور پر دی ہیں، تو اب یہ لڑکے کی ملکیت ہے اور واپس لینا جائز نہیں ہے، البتہ اگر مذکورہ تحائف دیتے وقت کوئی نیت نہیں تھی یا کوئی وضاحت نہیں کی گئی تھی، تو وہاں برادری کے عرف کا اعتبار کیا جائے گا، اگر ان کے عرف میں تحائف ملکیت کے طور پر دیئے جاتے ہوں، تو واپس لینا جائز نہیں ہے اور اگران کے عرف میں یہ تحائف صرف استعمال کرنے کے لئے دئے جاتے ہوں، تو ان کا واپس لینا جائز ہے، البتہ جہیز عورت کی ہی ملکیت ہوتا ہے۔