سوال: السلام علیکم، مفتی صاحب ! میرا مسئلہ یہ ہے کہ ہماری مسجد کا کام شروع ہے، ہمارا ٹھیکیدار بھاگ گیا، اس کی شیٹرنگ کی لکڑی وغیرہ ادھر ہی رہ گئی ہے، ہمارے کچھ پیسے بھی لے کے گیا، ہم نے وہ سامان پیسوں کے خاطر روک لیا تھا، بعد میں ہم نے فون کر کے بتایا کہ آجاؤ اپنا سامان لے جاؤ، ہمیں آپ کے سامان کی ضرورت نہیں ہے، وہ نہیں آرہا اور وہ کہتا ہے کہ آپ ان سے اپنا کام لے لینا۔ ابھی یہ پوچھنا ہے کہ ہم تو کام کررہے ہیں، کیا ان کی شیٹرنگ کا سامان استعمال کرنا جائز ہے یا نہیں ؟ کام ختم ہونے کے بعد پھر بھی نہیں آیا، تو ہم ان سامان کو رکھ یا بیج سکتے ہیں؟

جواب: صورت مسئولہ میں مسجد کی انتظاميہ اپنی رقم کے بقدر ٹھیکدار کی شیٹرنگ استعمال کرسکتی ہے یعنی جتنی رقم ٹھیکدار نے لی ہے، اس رقم کے حساب سے عرف میں جتنی شیٹرنگ لگتی ہے، اسی قدر شیٹرنگ استعمال کرنا جائز ہے۔