سوال:
مفتی صاحب! میرا اس سال اعتکاف میں بیٹھنے کا ارادہ ہے، آپ مجھے بتائیں کہ رمضان المبارک میں سنت اعتکاف کے لیے کب بیٹھیں اور کب نکلیں گے؟
جواب: واضح رہے کہ مسنون اعتکاف کا وقت رمضان المبارک کی بیسویں تاریخ کو سورج غروب ہونے سے عید الفطر کا چاند نظر آنے تک ہے، لہذا مسنون اعتکاف میں بیٹھنے والے کے لیے ضروری ہے کہ بیس رمضان المبارک کا سورج غروب ہونے سے پہلے اعتکاف کی جگہ (مرد مسجد اور عورت گھر کے اس حصہ میں جہاں اس نے اعتکاف کرنا ہے) میں آجائے اور شوال کا چاند دکھنے کے بعد اعتکاف کی جگہ سے نکل جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الاستذكار: (395/3، ط: دار الکتب العلمیة)
«قال الشافعي إذا أراد أن يعتكف العشر الأواخر دخل قبل الغروب فإذا أهل هلال شوال فقد أتم العشر وهو قول أبي حنيفة وأصحابه ... الخ
معارف السنن: (باب ما جاء فی الاعتکاف، 517/5، ط: سعید)
بل کان الابتداء بدخوله المسجد قبیل غروب شمس العشرین من رمضان، وکل من یرید ان یتم له اعتکاف العشر لزمه ان یدخل المسجد معتکفا قبیل غروب الشمس من العشرین والا لم یتم له العشر فان الکیالی الماضیة لاحقة بالایام التالیة۔
واللہ تعالٰی اعلم بالصواب
دارالافتاء الاخلاص،کراچی