سوال:
عید کی نماز میں اگر امام پہلی رکعت میں امام زائد تکبیرات کہنا بھول جائے تو کیا کرنا چاہیے؟
جواب: واضح رہے کہ اگر امام عید کی نماز میں زائد تکبیرات کہنابھول جائے تو اس کے ذمہ سجدہ سہو کرنا واجب ہے، لیکن اگر مجمع زیادہ ہو اور سجدہ سہو کرنے سے نمازیوں میں تشویش پھیلنے اور ان کی نمازوں کے فساد کا خدشہ ہو تو امام سجدہ سہو کیے بغیر نماز پوری کرلے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (128/1، ط: دارالفکر)
كذا في التبيين السهو في الجمعة والعيدين والمكتوبة والتطوع واحد إلا أن مشايخنا قالوا لا يسجد للسهو في العيدين والجمعة؛ لئلا يقع الناس في فتنة، كذا في المضمرات ناقلا عن المحيط.
واللہ تعالٰی اعلم بالصواب
دارالافتاء الاخلاص،کراچی