سوال: مفتی صاحب! نماز میں صف بنانے کا طریقہ کیا صرف پیر کو ہی صحیح کرنا مطلوب ہے کہ اپنے پیر کی انگلیوں کو دوسرے مقتدی کی لائن کے برابر کر دیں، اگر کسی کا پیٹ نکلا ہوا ہے، تو پھر کیا وہ اپنے پیٹ کے مطابق صف بنانے؟ اس کی وضاحت فرما دیں.
دوسری بات: صف بنانے کا سبق نماز کے علاوہ ہم اپنی زندگیوں میں کون کون سے چیزوں میں لا سکتے ہیں؟ وہ چیزیں جس میں صف بنانا مطلوب ہو، جیسا کہ لائن میں لگنا اور اس کو چھوڑنے کا کوئی گناہ ہے؟ وضاحت فرما دیں

جواب:
نماز با جماعت میں صف بندی کا طریقہ یہ ہے کہ نمازی اپنے کندھوں کو ملا کر کھڑے ہو جائیں، پاؤں کی ایڑیوں کے پچھلے حصے کو صف کے پچھلے کنارے پر رکھ لیں، تو صف سیدھی ہوجائے گی، اگر کسی کا پیٹ نکلا ہوا ہو، تو اس سے کوئی فرق نہیں پڑے گا۔
نیز اسلام ایک منظم و کامل دین ہے، اس کی تمام تعلیمات میں نظم وضبط، اجتماعیت اور اتفاق و اتحاد کی عمدہ تربیت دی گئی ہے، جس کا اعلی نمونہ نماز میں نظر آتا ہے۔
لہذا لوگوں کو ان کے تمام اجتماعات میں منظم رکھنے کے لیے صف بندی کی تعلیمات سے استفادہ کیا جاسکتا ہے۔