سوال: مفتی صاحب! نماز کی سنتوں کے بارے میں سنا ہے کہ اس کی چاروں رکعتوں میں برابر کی چار سورتیں پڑھنی چاہییں تو کیا ہم سنتوں میں یہ چاروں سورتیں (سورۃ الشمس، سورۃ الضحی، سورۃ النشرح اور سورۃ التین) پڑھ سکتے ہیں؟

جواب: واضح رہے کہ قرآن کریم میں سورتیں جس ترتیب سے ذکر ہیں، نماز میں اسی ترتیب سے پڑھنی چاہئیں، جان بوجھ کر فرائض میں سورتوں کو خلاف ترتیب پڑھنا مکروہ تحریمی ہے، البتہ سنتوں اور نوافل میں سورتوں کو خلاف ترتیب پڑھنا مکروہ نہیں ہے، تاہم پھر بھی سورتوں کی ترتیب کی رعایت کرنا بہتر ہے،لہذا آپ کے لیے سنتوں کی چار رکعات میں بالترتیب (سورۃ اللیل، سورۃ الضحیٰ، سورۃ الانشراح، سورۃ التین) پڑھنا بہتر ہے۔