سوال:
کیا فرماتے ہیں علمائے کرام اس مسئلہ کے بارے میں کہ نماز جمعہ کے خطبے میں اگر آپ صلی اللہ علیہ وسلم کا اسم مبارک آئے تو درود شریف پڑھنا چاہیے یا خاموش رہنا چاہیے؟ کیونکہ جمعہ کے خطبہ کو خاموشی کے ساتھ سننا واجب ہے۔
جواب: واضح رہے کہ خطبہ کے دوران کسی قسم کے کلام کی اجازت نہیں ہے، اس لیے آپ صلی اللہ علیہ وسلم کا اسم مبارک آنے پر درود شریف دل ہی میں پڑھنا چاہئے، زبان سے نہیں پڑھنا چاہیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (158/2)
وَكَذَلِكَ إذَا ذُكِرَ النَّبِيُّ - صَلَّى اللَّهُ عَلَيْهِ وَسَلَّمَ - لَا يَجُوزُ أَنْ يُصَلُّوا عَلَيْهِ بِالْجَهْرِ بَلْ بِالْقَلْبِ وَعَلَيْهِ الْفَتْوَى رَمْلِيٌّ۔
واللہ تعالٰی اعلم بالصواب
دارالافتاء الاخلاص،کراچی