سوال:
السلام علیکم و رحمۃ اللہ،
کیا گالی گلوچ کے حوالے سے کوئی وعید موجود ہے؟
جواب: اسلام ایک مہذب دین ہے، اس لیے اسلام نےگالی کو سنگین جرم اورگناہ کبیرہ قرار دیا ہے۔ اسلامی تعلیمات کا مطالعہ کریں تو یہ بات معلوم ہوتی ہے کہ اسلام میں ایک غیر مسلم کو گالی دینا جائز نہیں، چہ جائیکہ مسلمان کو گالی دینا، افسوس کی بات یہ ہے کہ ہمارے معاشرے میں گالم گلوچ کو بطور ہتھیار اور آخری حربہ استعمال کیا جاتا ہے،جو تعلیمات دین اسلام اور تعلیمات محمدی ﷺ کی سراسر منافی ہے۔ آپ صلی الله عليه وسلم نے فرمایا کہ مسلمان کو گالی دینا فسق ہے۔
واضح رہے کہ شریعت کی اصطلاح میں اللہ تعالیٰ کی اطاعت سے نکل جانے کو فسق کہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (الأنعام، الایۃ: 108)
وَلاَ تَسُبُّوا الَّذِيْنَ يَدْعُوْنَ مِنْ دُوْنِ اﷲِ فَيَسُبُّوا اﷲََ عَدْوًام بِغَيْرِ عِلْمٍ.۔۔۔۔الخ
صحیح البخاری: (كتاب الإيمان، باب خوف المؤمن من أن يحبط عمله وهو لا يشعر، رقم الحديث: 48)
عن عبدالله بن مسعودٍ قال: قال رسول الله صلى الله عليه وسلم: سِباب المسلم فسوقٌ، وقتاله كفرٌ.
حاشیة الطحطاوي علی مراقي الفلاح: (ص: 303، ط: دار الکتب العلمیة)
والفسق لغةً: خروج عن الاستقامة، وهو معنی قولهم: خروج الشيء عن الشيء علی وجه الفساد. وشرعاً: خروج عن طاعة اﷲ تعالی بارتکاب کبیرة.
واللہ تعالٰی اعلم بالصواب
دارالافتاء الاخلاص،کراچی