سوال:
میرا پیشہ جلد سازی ہے اور میں اکثر قرآن مجید کی جلد سازی کرتا ہوں تو کیا مجھے قرآن مجید کی جلد سازی کرتے وقت وضو کرنا ضروری ہے؟
جواب: واضح رہے کہ قرآن مجید کی جلد سازی کرتے وقت چونکہ قرآن کریم کے اوراق پر ہاتھ لگتے ہیں، جبکہ قرآن مجیدکے اوراق کو بغیر وضو کے ہاتھ لگانا جائز نہیں ہے، لہذا قرآن مجیدکی جلد سازی کرتے ہوئے وضو کرنا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھدایہ: (47/1)
وکذا المحدث لا یمس الا بغلافہ، لقولہ علیہ السلام: لا یمس القرآن الا طاھر۔۔۔۔۔الخ
واللہ تعالٰی اعلم بالصواب
دارالافتاء الاخلاص،کراچی