سوال: کیا فرماتے ہیں علمائے کرام اس مسئلہ کے بارے میں کہ اعتکاف کے لیے مسجد کے اندر چادریں باندھنے کا اہتمام ہوتا ہے، کیا شرعا اس کا کوئی ثبوت ہے یا یہ بدعت ہے؟

جواب: اعتکاف کرنے والوں کیلئے مسجد کے اطراف میں چادر وغیرہ باندھ کر حجرہ بنا لینا مستحب ہے، یہ ستر وغیرہ کی حفاظت اور عبادات اور تلاوت میں اطمینان اور سکون کا باعث ہے،اور حضور اکرم صلی اللہ علیہ وسلم کے لئے چٹائی کا حجرہ بنانا ثابت ہے، بدعت نہیں ہے، البتہ اس کو لازم سمجھنا درست نہیں ہے۔