سوال:
السلام علیکم، مفتی صاحب! ایسا لاکٹ جس کے اوپر لفظ "اللہ" لکھا ہوا ہو، اسے گلے میں پہن کر باتھ روم وغیرہ جانا جائز ہے؟ کیا اس سے اللہ کے نام کی بے ادبی لازم نہیں آئے گی؟
جواب: واضح رہے کہ ایسا لاکٹ جس پر اللہ کا نام ہو، یا کوئی قرآنی آیت لکھی ہوئی ہو، تو بیت الخلاء جانے سے پہلے اسے اتار کر رکھ دینا چاہیے، اسے پہن کر بیت الخلاء جانا خلافِ ادب ہونے کی وجہ سے مکروہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیہ: (50/1)
ویکره أن یدخل في الخلاء ومعه خاتم علیه اسم الله تعالی، أو شئ من القرآن۔
واللہ تعالٰی اعلم بالصواب
دارالافتاء الاخلاص،کراچی