سوال:
مفتی صاحب! شادی کے موقع پر دولہے کے ہاتھ اور پاؤں پر مہندی لگانے کی رسم کے بارے میں شریعت کا کیا حکم ہے؟
جواب: واضح رہے کہ عام حالات میں مردوں کے لیے ہاتھ اور پاؤں پر مہندی لگانا خواتین کی مشابہت کی وجہ سے مکروہ ہے۔
سوال میں پوچھی گئی صورت میں شادی کے موقع پر دولہے کے ہاتھوں اور پاؤں پر مہندی لگانے کی رسم شرعی تعلیمات سے مطابقت نہیں رکھتی، اس لیے اس سے اجتناب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مرقاة المفاتيح: (2828/7، ط: دار الفكر)
وأما خضب اليدين والرجلين، فيستحب في حق النساء ويحرم في حق الرجال إلا للتداوي.
رد المحتار: (422/6، ط: دار الفکر)
(قوله خضاب شعره ولحيته) لا يديه ورجليه فإنه مكروه للتشبه بالنساء.
واللّٰه تعالٰی اعلم بالصواب
دارالافتاء الاخلاص،کراچی