سوال: السلام علیکم،
حضرت ! ایک سوال آپ کی خدمت میں عرض کرنا تھا کہ کسی کے جڑواں 2 بیٹے ہوں، تو عقیقہ میں چار بکریاں ذبح ہونگی یا دو؟
اور اگر ایک بیٹا اور ایک بیٹی ہو، تو کس حساب سے عقیقہ ہوگا؟
رہنمائی فرمادیں، جزاک اللہ

جواب: واضح رہے کہ اگر مالی استطاعت ہو، تو عقیقہ میں سنت اور افضل یہ ہے کہ ایک لڑکے کی طرف سے دو بکرے یا دو بکریاں اور ایک لڑکی کی طرف سے ایک بکرا یا بکری ذبح کی جائے۔
اگر لڑکے کی طرف سے دو بکرے ذبح کرنے کی گنجائش نہ ہو، تو ایک بکرا یا بکری ذبح کرنے سے بھی عقیقہ کی سنت ادا ہو جائے گی، لہذا اگر جڑواں لڑکوں کی طرف سے دو بکرے یا بکریاں ذبح کر دی گئیں، تو بھی عقیقہ ادا ہو جائے گا۔