سوال:
اس امت میں بہتر وہ ہے، جس کی بیویاں زیادہ ہیں، کیا یہ حدیث صحیح ہے؟
جواب: سوال میں ذکرکردہ روایت ’’حضرت عبداللہ بن عباس رضی اللہ عنہما ‘‘ سے’’صحیح‘‘ سند کے ساتھ موقوفاً مروی ہے،لہذااس کو بیان کیا جاسکتا ہے۔ ذیل میں اس روایت کا ترجمہ اور مختصر تشریح ذکرکی جاتی ہے:
ترجمہ:سعید بن جبیر سے روایت ہے کہ مجھ سے ابن عباس رضی اللہ عنہما نے دریافت فرمایا کہ تم نے شادی کر لی ہے؟ میں نے عرض کیا کہ نہیں۔ آپ ﷺ نے فرمایا کہ شادی کر لو، کیونکہ اس امت کا بہترین شخص وہ ہے، جس کی بیویاں زیادہ ہوں۔(بخاری، حدیث نمبر: 5069)(۱)
تشریح:مذکورہ حدیث میں ’’خیر الامۃ‘‘(امت کا بہترین شخص)سے مراد یا تو جناب رسول اللہ ﷺہیں اورحدیث کا مطلب یہ ہے کہ ااس امت کے بہترین شخص جناب رسول اللہ ﷺہیں اور ان کی نو بیویاں تھیں،اس لیے تم بھی شادی کرو۔یا اس سے جناب رسول اللہ ﷺ مراد نہیں بلکہ عام امتی مراد ہے ، اس صورت میں حدیث کا مطلب یہ ہوگا کہ جس کی عور تیں زیادہ ہوں گی وہ بہترین آدمی ہوگا ( بشر طیکہ وہ عدل بین الازواج کرنے والا ہو ) اس لیے کہ وہ جناب رسول اللہ ﷺ کی امت میں اضافے کا سبب بنے گا ۔(۲)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحيح البخاري:(7/3،رقم الحديث: 5069،ط:دارطوق النجاة)
عن سعيد بن جبير، قال: قال لي ابن عباس: هل تزوجت؟ قلت: لا، قال: «فتزوج فإن خير هذه الأمة أكثرها نساء»
فتح الباري:(9/114،ط:دارالمعرفة)
ووقع عند الطبراني من طريق أيوب عن سعيد بن جبير عن بن عباس تزوجوا فإن خيرنا كان أكثرنا نساء قيل المعنى خير أمة محمد من كان أكثر نساء من غيره ممن يتساوى معه فيما عدا ذلك من الفضائل والذي يظهر أن مراد بن عباس بالخير النبي صلى الله عليه وسلم وبالأمة أخصاء أصحابه
ارشاد الساري:(8/8،ط:المطبعة الكبرى الأميرية)
قال: فتزوج فإن خير هذه الأمة -صلى الله عليه وسلم- (أكثرها نساء) لأنه كان له تسع نسوة والتقييد بهذه الأمة ليخرج مثل سليمان عليه السلام لأنه كان أكثر نساء. وقيل المعنى خير أمة محمد من كان أكثر نساء من غيره ممن يتساوى معه فيما عدا ذلك من الفضائل.
واللہ تعالی اعلم بالصواب
دارالافتاء الاخلاص،کراچی