سوال:
مفتی صاحب ! السلام علیکم، جس طرح آتش دان کے سامنے نماز نہیں پڑھ سکتے، تو کیا ہیٹر کے پاس بھی نماز پڑھنا ناجائز ہے؟
جواب: ہیٹر کے سامنے نماز پڑھنا جائز ہے، تاہم بہتر یہ ہے کہ ہیٹر کو سامنے رکھنے کے بجائے دائیں بائیں رکھ لیا جائے۔
واضح رہے کہ ہیٹر کے سامنے نماز پڑھنے میں مجوسیوں کے ساتھ مشابہت لازم نہیں آتی ہے، اس لئے کہ مجوسی عبادت کے و قت آگ کو تنور یا آتشدان وغیرہ میں سامنے رکھتے ہیں، البتہ اگر آگ نمازی کے سامنے تنور یا آتشدان میں اس طرح رکھی ہو، جیسے مجوسی رکھتے ہیں، تو نماز مکروہ ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (652/1)
وفی شرح المنیۃ: وجہ عدم الکراھۃ أن کراھۃ استقبال بعض الأشیاء باعتبار التشبہ بعبادھا… (قولہ أوشمع)… وعدم الکراھۃ ھو المختار کما فی غایۃ البیان وینبغی الاتفاق علیہ فیما لوکان علی جانبیہ کما ھو المعتاد فی لیالی رمضان بحر:۔۔۔۔۔۔۔(قولہٗ قنیۃ) ذکر ذلک فی القنیۃ فی کتاب الکراھیۃ ونصہ: الصحیح أنہ لایکرہ أن یصلّی وبین یدیہ شمع أو سراج لأنّہ لم یعبدھما أحد والمجوس یعبدون الجمر لاالنّار الموقدۃ، حتّی قیل لایکرہ إلی النّار الموقدۃ وظاھرہ أنّ المراد بالموقدۃ التی لھا لھب، لکن قال فی العنایۃ: أن بعضھم قال: تکرہ إلی شمع أو سراج کما لو کان بین یدیہ کانون فیہ جمرأو نار موقدۃ اھ وظاھرہ انّ الکراھۃ فی الموقدۃ متّفق علیھا کما فی الجمر تأمّل۔
واللہ تعالٰی اعلم بالصواب
دارالافتاء الاخلاص،کراچی